”ნაციონალური მოძრაობის” აღმასრულებელი მდივნის სერგო რატიანის ინფორმაციით, გუშინ საღამოს გიგი უგულავა მიხეილ სააკაშვილს ესაუბრა.
მისი თქმით, გადაწყვეტილება მიღებულია, რომ დაიშალოს პარტია -”ნაციონალური მოძრაობა”,
,,გაყოფილია პარტია, გაყოფილია ფრაქცია” - აღნიშნა რატიანმა ჟურნალისტებტან საუბარში.
მისი განცხადებით, პარტიის დაშლის პროცესი ყრილობის ე.წ. საორგანიზაციო ექვსეულის შექმნით დაიწყო, რომელსაც პარტიის ერთი ფრთა ემორჩილება და არსებობს ლეგიტიმური ორგანო, რომელსაც ემორჩილება მეორე მხარე.
”შედგა საუბარი, რომ გაგრძელდეს კონსულტაციები და ეს პროცესი გრძელდება კიდეც. სწორედ ამ ფონზე გიგიმ ითხოვა ფრაქციის სხდომის გადადება. ფრაქციის სხდომა რამდენიმე დღეში გაიმართება”, - დასძინა რატიანმა.
საპარლამენტო ფრაქცია "ერთიანი ნაციონალური მოძრაობის" სხდომა, სადაც ფრაქციის თავმჯდომარეობიდან ნიკა მელიას გადაყენების საკითხი უნდა განეხილათ, დღეს აღარ გაიმართება.
ინფორმაცია ამის შესახებ პარტიის პრესსამსახურმა გვიან ღამით გაავრცელა.
განცხადებაში აღნიშნულია, რომ ფრაქციის წევრებთან კონსულტაციები ჰქონდა გიგი უგულავას და მიუხედავად ლეგიტიმური და დასაბუთებული არგუმენტებისა, საკითხის განხილვა დღეს არ მოხდება.
