თავდაცვისა და უშიშროების კომიტეტის თავმჯდომარის მოადგილედ ”ნაციონალური მოძრაობის” წევრი ირაკლი აბესაძე აირჩიეს. ირაკლი აბესაძის კანდიდატურას მხარი 12-მა დეპუტატმა დაუჭირა. 
როგორც კომიტეტის თავმჯდომარე ირაკლი სესიაშვილმა კენჭისყრამდე განაცხადა, ”ქართული ოცნება” მხარს უჭერს დემოკრატიულ პრინციპს.
რაც შეეხება „პატრიოტთა ალიანსის“ წევრ ემზარ კვიციანის კრიტიკას, რომ„ქართული ოცნება“ და „ნაციონალური მოძრაობა“ ამიერიდან ერთი ძალაა, სესიაშვილმა უპასუხა, რომ „ამას ვერავინ დაიჯერებს“.
„კვოტირება ნიშნავს, რომ კომიტეტის ნებისმიერი თავმჯდომარის ერთი მოადგილის ადგილი ეკუთვნის ოპოზიციას. რეგლამენტის მიხედვით, კენჭი ვუყარეთ იმ კანდიდატურას, რომელმაც წინა კენჭისყრაზე უფრო მეტი ხმა მიიღო. „ქართულმა ოცნებამ“ მხარი დაუჭირა არა „ნაციონალურ მოძრაობას,“ არამედ იმ დემოკრატიულ პრინციპს, რომელიც აღნიშნავს, რომ უმცირესობას ეკუთვნის კვოტა. ყველა დანარჩენის მოსაზრება ამ თემაზე არის სპეკულაცია და ამ ყველაფრისთვის ზედმეტი პოლიტიკური კუდების გამობმა ნამდვილად არ არის საჭირო“, - განაცხადა ირაკლი სესიაშვილმა.