მოსკოვის საერთაშორისო სავაჭრო ცენტრის შენობაში ვლადიმერ პუტინის წლის შემაჯამებელი პრესკონფერენცია მიმდინარეობს. პრეზიდენტი ჟურნალისტების შეკითხვებს პასუხობს.
,,არ გამოვრიცხავ საქართველოს მოქალაქეებისთვის უვიზო რეჟიმის დაბრუნებას. ამისთვის ყველა საფუძველი არსებობს, მითუმეტეს, რომ ვხედავთ გარკვეულ სიგნალებს საქართველოს ცალკეული მმართველი სტრუქტურების მხრიდან. მნიშვნელოვანია ურთიერთობების დალაგება სპეცსამსახურებისა და სამართალდამცავი ორგანოების მხრივაც, ტერორიზმის წინააღმდეგ ერთობლივი ბრძოლის კუთხითაც, რათა უვიზო რეჟიმმა ჩვენი უსაფრთხოება არ დააზარალოს. ვფიქრობ, ეს სავსებით შესაძლებელია“, - განაცხადა რუსეთის პრეზიდენტმა.
