პიკური გაუფასურების შემდეგ, ხუთშაბათს დილიდან Bloomberg-ის სავაჭრო სისტემაში ლარს გამყარების ტრენდი აქვს.
ვაჭრობა $1/2.8125 ლარიდან დაიწყო. თბილისის დროით, 11.10 საათისთვის $1/2.7750 ლარი ღირს. 1,4%-იანი გამყარება ფიქსირდება. Bloomberg-ის სისტემაში შეთავაზებების ფასის მიხედვით, 1 დეკემბრიდან ლარი დოლარის მიმართ 8.8% არის გაუფასურებული.
ოთხშაბათს ლარის გაუფასურება შეაფასა საინვესტიციო ბანკმა Renaissance Capital-მა, განაცხადა, რომ ლარი მოსალოდნელზე მეტად გაუფასურდა, სამართლიანი ფასი კი, 2,55 ლარია. ბანკი მიიჩნევს, რომ ბოლო დღეების მოვლენები შესაძლოა ლარის გაუფასურების ფსკერია, იმ შემთხვევაში თუ თურქული ლირა დასტაბილურდება.
