ნაციონალური მოძრაობა მთავრობის ეკონომიკურ გუნდს პარლამენტში იბარებს. ამასთან დაკავშირებით პარტიის ოფისში განცხადება გაკეთდა.
დავით ბაქრაძის თქმით, პარტიამ მომავალ ოთხშაბათს უმცირესობის სხდომაზე ფინანსთა და ეკონომიკის მინისტრები დაიბარა, რათა ლარის გაუფასურებასთან დაკავშირებით საზოგადოებას მათი ხედვის შესახებ ინფორმაცია მიაწოდონ.
ბაქრაძის თქმით, ლარის გაუფასურება 2 მნიშვნელოვან საფრთხეს ქმნის. მისი განცხადებთ, თუ ლარის კურსი კიდევ უფრო გაუფასურდება, მთვრობა იძულებული იქნება ენერგოტარიფებს გადახედოს და გააძვიროს. ბაქრაძის განცხადებითვე, თუ ლარის კურსთან დაკავშირებით გაურკვევლობა შენარჩუნდება, ეს საქართველოს ეკონომიკურ განვითარებაზე უარყოფითად იმოქმედებს.
„არჩევნების შემდეგ მთავრობაც, ეროვნული ბანკიც, ყველა სხვა სახელმწიფო ინსტიტუტიც, სრულ უმოქმედობას იჩენს ლარის მიმდინარე კურსის მიმართ,“- განაცხადა დავით ბაქრაძემ.
