“ნაციონალური მოძრაობის” ინიციატივაზე, პარლამენტმა სირიაში მიმდინარე მოვლენებთან დაკავშირებით განცხადება მიიღოს, კომენტარი გააკეთა პატრიოტთა ალიანსის წევრმა, ემზარ კვიციანმა.
“სირიაში არის კანონიერი ხელისუფლება. იმას უნდა დაუდგეს მთელი მსოფლიო გვერდში, რომ სისხლი არ იღვრებოდეს. კადაფივით ასადის მოსპობაც მოინდომეს, არ გამოუვიდათ ეს და ამიტომ იღვრება დღემდე სისხლი იქ, 5 წელია”, – ეს განცხადება პატრიოტთა ალიანსის წევრმა ემზარ კვიციანმა გააკეთა დღეს, 19 დეკემბერს პარლამენტში.
“ნაციონალურ მოძრაობას ეს რომ 5 წლით ადრე გაეკეთებინა, როცა სირიაში ეს უბედურება დაიწყო… მე მახსოვს, ყოველთვის გასძახოდნენ ნაციონალები, რომ კანონიერი ხელისუფლებისთვის ხელის შეხება არ შეიძლება. იქ არის კანონიერი ხელისუფლება. იმას უნდა დაუდგეს მთელი მსოფლიო გვერდში, რომ სისხლი არ იღვრებოდეს. კადაფივით ასადის მოსპობაც მოინდომეს, არ გამოუვიდათ ეს და ამიტომ იღვრება დღემდე სისხლი, უკვე 5 წელია. რა თქმა უნდა, ყველა წინააღმდეგი ვართ, რომ ბავშვები იხოცებიან იქ და ეს არის საშინელება. თუ რამე შეგვიძლია იმისთვის, რომ სიტყვა შევაწიოთ ან საქმე გავაკეთოთ და შეწყდეს ეს სისხლისღვრა, დიდი სიამოვნებით მივიღებდით მონაწილეობას”, – თქვა კვიციანმა.
