მიმდინარე წელს საქართველოდან ციტრუსის ექსპორტი ტრადიციული ბაზრების გარდა ბალტიისპირეთისა და აზიის ქვეყნების მიმართულებითაც დაიწყო, რაც უკანასკნელი სამი ათეული წლის განმავლობაში არ განხორციელებულა, აღნიშნულის შესახებ განცხადებას აჭარის მთავრობის თავმჯომარე ზურაბ პატარაძე აკეთებს.
პატარაძის თქმით, დღეს რეგიონში მოქმედებს 40-მდე ციტრუსის მიმღები, დამხარისხებელი და შემფუთავი საწარმო, ასევე მოქმედებს სამაცივრე მეურნეობები.
საჭირო დოკუმენტაციისა და ინფორმაციის მიღება დაინტერესებულ პირებს ერთი ფანჯრის პრინციპით შეუძლიათ.
„მოწესრიგდა სახმელეთო და საზღვაო ტრანსპორტირების საკითხებიც. მოქმედებს სპეციალური საინფორმაციო ვებ-გვერდი www.citrus.moa.ge , ასევე ცხელი ხაზი“, აცხდაებს ზურაბ პატარაძე.
მიმდინარე წლის 19 დეკემბრის მდგომარეობით რეგიონიდან ციტრუსის ექსპორტის მაჩვენებელი 20 ათას ტონას აღწევს.
შეგახსენებთ, რომ აჭარაში საექსპორტო მანდარინს 40-მდე ციტრუსის მიმღებ-დამხარისხებელი საწარმო ამზადებს, რომელთა სიმძლავრე 30 000 ტონაზე მეტია. საწარმოებში ხდება დაკალიბრება, პარაფინირება, პლასტმასის, მუყაოსა და ე.წ. შპონის (ხის) ტარაში შეფუთვა და პალეტებად შეკვრა. ასევე, შესაძლებელია 45 000 ტონა საექსპორტო ყუთის დამზადება. რეგიონში არსებული სამაცივრე მეურნეობეებში 7 000 ტონამდე ციტრუსის შენახვაა შესაძლებელი. ციტრუსის გადამამუშავებელი საწარმოები სეზონზე იღებს და კონცენტრატის სახით ამუშავებს 12 000 ტონაზე მეტ არასტანდარტულ მანდარინს.
