სასტუმრო „რადისონ ბლუ ბათუმი“ მსოფლიოში აღიარებული „safehotels”-ის სერტიფიკატით დაჯილდოვდა, რაც ნიშნავს რომ სასტუმრომ უსაფრთხოების ყველა საერთაშორისო სტანდარტი დააკმაყოფილა. "Safehotels Alliance" არის სასტუმროებისა და ტურისტული ობიექტების საერთაშორისო სასერტიფიკატო კომპანია, რომელიც ყოველწლიური აუდიტის საფუძველზე აჯილდოვებს სასტუმროებს გლობალური უსაფრთხოების სტანდარტების მიხედვით.
2014 წლის დეკემბერში, კარლსონ რეზიდორ ჯგუფმა ხელი მოაწერა „Safehotels“-თან შეთანხმებას, რომლის თანახმადაც იგი გახდა პირველი საერთაშორისო სასტუმროთა ქსელის მფლობელი კომპანია - გახსნილად ჩართული სასერტიფიკატო პროგრამაში. სასტუმრომ „რადისონ ბლუ“ შემოწმების ყველა ეტაპი გაიარა, რის შედეგადაც უკვე შეძლო სერტიფიკატის მოპოვება.
„ჩვენთვის დიდი პატივია ასეთი მნიშვნელოვანი სერტიფიკატის მოპოვება, რადგან სტუმრების უსაფრთხოება და კომფორტი ტურიზმის ინდუსტრიაში ყველაზე მნიშვნელოვანი ფაქტორია. დამოუკუიდებელი და მიუკერძოებელი სერტიფიკატის მოპოვება კი მოწმობს, რომ ჩვენი სასტუმრო ნამდვილად პასუხობს მსოფლიოში ასრებულ უსაფრთხოების სტანდარტებს“ - სასტუმროს მენეჯერი ნადინ ფერნბახერი.
