პარლამენტმა პირველი მოსმენით მიიღო ეროვნული ბანკის შესახებ კანონში შესატანი ცვლილებები. კანონპროექტის თანახმად, ეროვნული ბანკის ვიცე-პრეზიდენტებს თანამდებობაზე ქვეყნის პირველი პირის ნაცვლად, ეროვნული ბანკის პრეზიდენტი დანიშნავს. მოქმედი ნორმის მიხედვით კი ვიცეპრეზიდენტების დანიშვნის უფლება აქვს საქართველოს პრეზიდენტს, მაგრამ აღნიშნული უფლებამოსილება კონსტიტუციით გათვალისწინებული არ არის. მმართველ გუნდში განმარტავენ, რომ ინიციატივა სწორედ კანონის კონსტიტუციასთან შესაბამისობაში მოყვანას ისახავს მიზნად.
