ერთიანი ნაციონალური მოძრაობის დეპუტატ ზურაბ ჭიაბერაშვილის განცხადებით, ბათუმი - თბილისის მაგისტრალის რიკოთის მონაკვეთი კატასტროფულ მდომარეობაშია და ორმოების რაოდენობამ ისევე შეიძლება მოხსნას შევარდნაძის პერიოდის რეკორდი, როგორც ლარმა მოხსნა გაუფასურების რეკორდი.
"ამ გზაზე ზაფხულში უნდა გეზრუნათ ისევე, როგორც სამი წლის უკან უნდა დაგეწყთ ლარზე და ეკონომიკაზე ზრუნვა, როდესაც ლარმა გაუფასურება დაიწყო და ეკონომიკამ შენელება.
როგორ დავიჯერო, რომ გრანდიოზული ინფრასტრუქტურული პროექტების განხორციელებას შეძლებთ, როდესაც რაც დავტოვეთ იმასაც ვერ ინარჩუნებთ და ამის ყველაზე ნათელი მაგალითი ლარის კურსია.
ხელისუფლებამ შეიძლება გადადგას პოლიტიკურად მტკინვეული, მაგრამ ეკონომიკურად გამართლებული და შედეგის მომტანი ნაბიჯები. მაგრამ გადადგას ნაბიჯები, რომელიც ეკონომიკას კიდე უფრო დააქცევს და პოლიტიკურადაც უფრო მტკინვეული იქნება. თქვენ ვერ ხვდებით რომ ეკონომიკური კატასტროფისკენ მიგყავთ ქვეყანა და პოლიტიკური კატასტროფისკენ მიდიხართ თქვენც”, აღნიშნა ჭიაბერაშვილმა.
