დღეს ღამით თბილისიდან სტამბოლში, ათათურქის სახელობის საერთაშორისო აეროპორტის მიმართულებით ყველა ავიარეისი ჩვეულ დროს განხორციელდება. აღნიშნულის შესახებ თბილისის საერთაშორისო აეროპორტის საინფორმაციო ცენტრში განმარტავენ. აეროპორტის ინფორმაციით, ამ დროისათვის რეისების განრიგის შესაძლო ცვლილების შესახებ ინფორმაციას არ ფლობენ.
თუმცა, თურქული მედია წერს, რომ ათათურქის სახელობის საერთაშორისო აეროპორტიიდან რიგი რეისები ვერ განხორციელდება, რაც დღეს ღამით მოსალოდნელ მეტეოროლოგიურ პირობებს უკავშირდება.
თურქული მედია, აეროპორტზე დაყრდნობით წერს, რომ ცვლილებები შევა 13 დეკემბრის 15:00 საათიდან 14 დეკემბრის 06:00 საათამდე დაგეგმილი ავიარეისების განრიგში.
