ნდობის ჯგუფში საპარლამენტო უმცირესობის კვოტას სავარაუდოდ, ირაკლი აბესაძე დაიკავებს, ჯგუფის წევრობის კანდიდატი იქნება ასევე ,,პატრიოტთა ალიანსის“ ლიდერი ირმა ინაშვილიც.
მისი თქმით, მზადაა მისი ბიოგრაფია შეისწავლოს სუსმა და ასევე შეისწავლოს ენმ-ის კანდიდატთა კავშირები რუსეთთან.
,,გაისმა ისეთი მოსაზრება, რომ სახელმწიფო უსაფრთხოების სამსახურმა უნდა შეისწავლოს ყველა კანდიდატის კონტაქტები, ბიოგრაფია და ა.შ. რამდენად სანდოა ესა თუ ის კანდიდატი მონაწილეობდეს ნდობის ჯგუფში. მივესალმები ამას და მზად ვარ, შემისწავლოს სახელმწიფო უსაფრთხოების სამსახურმა, თუმცა ეჭვი არ მეპარება, რომ ისედაც შესწავლილი ვყავარ.
სუს-მა ასევე, უნდა შეისწავლოს „ნაციონალური მოძრაობის“ კანდიდატების კონტაქტები, გაადაადგილებები, კონტაქტები რუსეთთან და გაარკვევს, ვინ არის რუსეთის აგენტი და ვინ არა. ვგულისხმობ მათ შორის ბოკერიასაც. მე არ მიმიყიდია ჩემი სატლევიზიო პროექტი „გაზპრომისთვის“, - განაცხადა ინაშვილმა.
