,,პატრიოტთა ალიანსის“ წევრი ემზარ კვიციანი 2006 წელს კოდორის ხეობაში განვითარებულ მოვლენებზე არსებულ იმ საქმეზე, რომელიც დაფინანსებას ეხება, გრიფი „საიდუმლოს“ მოხსნას მოითხოვს.
კონფერენციაზე - "თავდაცვისა და უსაფრთხოების რეფორმა საქართველოში" კვიციანმა განაცხადა, რომ კოდოროს ხეობას თავს დაესხა სააკაშვილი და შემდეგ ეს ტერიტორია ჩააბარა.
"2006 წლის თავს პროდასავლელი სააკაშვილი დაგვესხა, ხეობა წაგვართვა და როცა 2008 წელს ომობანა გაითამაშა, ტერიტორიები ჩააბარა. 2008 წელს, თავდაცვის სამინისტროს ბიუჯეტი მილიარდი იყო, მაშინ, როცა ჩემს დროს, 39 მილიონი იყო და ისიც სეკვესტრირებული.
2008 წელს, საქართველო ჯარით ამაყობდა, მაგრამ ხუთ დღეში სამარცხვინოდ დავმარცხდით. დღესაც მიაჩნიათ, რომ სააკაშვილი პროდასავლელია?! მიიჩნევთ თუ არა, რომ გრიფი „საიდუმლო“ კოდორის ხეობის ფინანსურ საკითხებს უნდა მოეხსნას?", - განაცხადა კვიციანმა.
