ნამდვილად არ ვიცნობ დეტალებს, ვინ როდის წაართვა და ვის წაართვა ეს ტელევიზია, ერთადერთი რაც ვიცი, ეს ბევრჯერ მოხდა გასული წლების განმავლობაში, - განაცხადა საქართველოს პრემიერ-მინისტრობის კანდიდატმა გიორგი კვირიკაშვილმა საპარლამენტო უმცირესობასტან შეხვედრისას ელენე ხოშტარიას მიერ ,,რუსთავი 2“ - თან დაკავშირებით დასმული კითხვის საპასუხოდ.
,,პასუხისმგებლობას ვგრძნობ ყველაფერთან დაკავშირებით, რაც ქვეყანაში ხდება და არავითარ შემთხვევაში არ მაქვს ხელი დაბანილი ამ საკითხთან მიმართებაშიც. რაც შეეხება იმას, რომ ეს არის ბრძოლა კომპანიის წინააღმდეგ, ვერაფრით ვერ გავიზიარებ. საერთაშორისო შეშფოთებას რაც შეეხება, მინდა თქვენი ყურადღება მივაპყრო მაღალი რეპუტაციის მქონე ინსტიტუციების მიერ გამოქვეყნებულ რეიტინგებს მედიის თავისუფლებასთან მიმართებაში, სადაც ნახტომისებური გაუმჯებესება გვაქვს. რაც შეეხება კონკრეტულად ამ ტელევიზიას, ჩემთვის ძალიან მნიშვნელოვანია ამ ტელევიზიის სარედაქციო პოლიტიკის დამოუკიდებლობა მიუხედავად იმისა, მოსწონს ეს ვინმეს, თუ არ მოსწონს და ნამდვილად გულწრფელი ვარ, ქონებრივ საკითხს რაც შეეხება, ნამდვილად არ ვიცნობ დეტალებს, ვინ როდის წაართვა და ვის წაართვა ეს ტელევიზია, ერთადერთი რაც ვიცი, ბევრჯერ მოხდა გასული წლების განმავლობაში და არანაირი საფუძველი არა მაქვს, რომ სასამართლოს გადაწყვეტილებაში ეჭვი შევიტანო“, - განაცხადა კვირიკაშვილმა.
