იმედს გამოვთქვამ, თანამშრომლობა იქნება კონსტრუქციული და კონკრეტული საკითხების უკეთესად გადაწყვეტისკენ მიმართული, - ასე მიმართა საქართველოს პრემიერ-მინისტრობის კანდიდატმა ”ნაციონალური მოძრაობის” წევრებს.
”მინდა მოგილოცოთ პარლამენტის დეპუტატებად არჩევა და გამოვთქვა იმედი, რომ ამ პარლამენტში ჩვენი თანამშრომლობა იქნება ნაყოფიერი ჩვენი ქვეყნის უკეთესი ხვალინდელი დღის მშენებლობაში. მინდა ასევე გამოვთქვა იმედი, რომ ეს თანამშრომლობა იქნება კონსტრუქციული, მიმართული კონკრეტული საკითხების უკეთესად გადაწყვეტისკენ და ჩვენი კაბინეტიც სწორედ ამ მიზნით მობრძანდა თქვენთან შესახვედრად, რომ განვიხილოთ მომავალი ოთხი წლის განმავლობაში გადასადგემილი ნაბიჯები, რომლებიც ძირეულ ცვლილებებს მოიტანს ქვეყნის განვითარებაში”, - განაცხადა გიორგი კვირიკაშვილმა და საპარლამენტო უმცირესობის წევრებს მთავრობის რეფორმების 4-პუნქტიანი გეგმა გააცნო.
პარლამენტში საპარლამენტო უმცირესობა მინისტრთა კაბინეტის მომავალ შემადგენლობას უსმენს.
