„პატრიოტთა ალიანსის“ ლიდერი ირმა ინაშვილი მიიჩნევს, რომ მოქალაქეებს ID ბარათების ალტერნატიული დოკუმენტების მიღების საშუალება უნდა ჰქონდეთ.
ფრაქცია „საქართველოს პატრიოტების“ სხდომაზე, სადაც მინისტრთა კაბინეტის ახალ შემადგენლობას უსმენენ, ინაშვილმა განაცხადა, რომ ადამიანებს არჩევანის თავისუფლება უნდა მიეცეთ.
„ძალიან დიდ ვნებათაღელვას იწვევს საზოგადოების ნაწილში ID ბარათების თემა. ჩვენ ვიცით, რომ უამრავ ადამიანს არ სურს, აიღოს ID ბარათი, მაგრამ ჩვენ უნდა მივცეთ მათ არჩევანის საშაულება. ხომ არ ფიქრობთ, რომ კარგი იქნება იგივე ქაღალდის პასპორტების, პირადობის მოწმობების დაშვება, როგორც ალტერნატივა და ამ ქაღალდის ჩვეულებრივ პირადობის მოწმობაზე დაფიქსირებული იყოს საიდენტიფიკაციო მონაცემები. მთავარია, რომ ადამიანებს არჩევანის თავისუფლება მივცეთ და ვისაც არ უნდა ID ბარათი, ჰქონდეს საშუალება, ჩვეულებრივი ქაღალდის პასპორტი ან პირადობის მოწმობა მიიღოს“, - განაცხადა ირმა ინაშვილმა.
