ერთიანი ნაციონალური მოძრაობა მინისტრთა კაბინეტის ახალ შემადგენლობას მხარს არ დაუჭრს. აღნიშნულის შესახებ დღეს გამართულ ბრიფინგზე ელენე ხოშტარიამ ისაუბრა.
როგორც დეპუტატმა განაცხადა, მინისტრთა კაბინეტის ამ სახის ცვლილებით, ნათელი გახდა, რომ ხელისუფლება პრობლემების გადაჭრაზე არაა ორიენტირებული.
„ის გუნდი, რომელიც ხელისუფლებამ წარმოგვიდგინა, მეტყველებს იმაზე, რომ ქართულ ოცნებას არ ესმის ქვეყანაში არსებული პოლიტიკის შეცვლის აუცილებლობა. ისინი კმაყოფილები არიან ლარის მდგომარეობით, მათ არ გაუაზრებიათ თუ რამხელა ტვირთად აწევს მოსახლეობას ლარის გაუფასურება. არ ესმით, რომ ლარი გაუფასურებას ეკონომიკურ პოლიტიკაში ქმედითი ცვლილებები სჭირდება, მათ არ ესმით, რომ საზოგადოება შეწუხებულია კრიმინოგენული ვითარებით და აქაც საჭიროა ქმედითი ნაბიჯები. მათ არ ესმით თუ როგორი გამოწვევაა ქვეყნის სიღატაკე, უმუშევრობა და აქაც აუცილებელია ცვლილება, რომელიც საზოგადოებას მოუტანს სიკეთეს.
ამ ცვლილებით ხელისუფლებამ იგივე პოლიტიკის გატარება დაანონსა, როდესაც ბიძინა ივანიშვილი გამოდის და საუბრობს, რომე ყველაფერი არის კარგად და საზოგადოების ბრალია, რომ ისინი ვერ გრძნობენ თუ რამდენად კარგად ცხოვრობენ”, აცხადებს ხოშტარია.
