2017 წლისათვის, ბათუმის მუნიციპალიტეტის ბიუჯეტის შემოსულობების საპროგნოზო მაჩვენებელი135 529,0 ათასი ლარით განისაზღვრა. ბიუჯეტის პროექტის მიხედვით, მომავალი წლისთვის ბათუმის მუნიციპალიტეტის შემოსავლების საპროგნოზო მაჩვენებელი შეადგენს 128 529,0 ლარს. აქედან:

გადასახადების საპროგნოზო მაჩვენებელი შეადგენს 32 000,0 ათას ლარს, ადგილობრივ ბიუჯეტში გადასახადების კუთხით 2017 წლიდან ქონების გადასახადთან ერთად საშემოსავლო გადასახადის ნაწილიც ირიცხება.

საქართველოს სახელმწიფო და აჭარის ავტონომიური რესპუბლიკის რესპუბლიკური ბიუჯეტიდან მისაღები გრანტების საპროგნოზო მაჩვენებელი განისაზღვრა 65 704,0 ათასი ლარის ოდენობით.

სხვა შემოსავლების საპროგნოზო მაჩვენებელი შეადგენს 30 825,0 ათას ლარს.

არაფინანსური აქტივების კლებიდან მისაღები სახსრების საპროგნოზო მოცულობა შეადგენს 7,000.0 ათას ლარს.

2017 წელს ქ. ბათუმის მუნიციპალიტეტის ბიუჯეტის ასიგნებების საპროგნოზო ოდენობა 139 619,4  ათას ლარს შეადგენს. ასიგნებების განაწილება პრიორიტეტების და პროგრამების მიხედვით შემდეგია:

პრიორიტეტი: წარმომადგენლობითი და აღმასრულებელი ორგანოების დაფინანსება 27 531,7 ათასი ლარი. მათ შორის:

ქალაქ ბათუმის მუნიციპალიტეტის საკრებულო 1 755,0 ათასი ლარი; ქალაქ ბათუმის მუნიციპალიტეტის მერია  7 506,7 ათასი ლარი; სასესხო ვალდებულებების მომსახურება და დაფარვა  17 465,0 ათასი ლარი; სარეზერვო ფონდი 750.0 ათასი ლარი;

წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდი  30,0 ათასი ლარი; წვევამდელთა ტრანსპორტირება 25.0 ათასი ლარი.

პრიორიტეტი: ინფრასტრუქტურისა და მუნიციპალური კომუნალური სერვისების განვითარება  74 351,7 ათასი ლარი. მათ შორის:

საგზაო ინფრასტრუქტურის განვითარება  34 130,0 ათასი ლარი; სატრანსპორტო ინფრასტრუქტურის და სერვისის განვითარება 5 663,0 ათასი ლარი; საბაზისო კომუნალური ინფრასტრუქტურის განვითარება  10 206,5 ათასი ლარი;

ეკოლოგიური მდგომარეობის გაუმჯობესება და სარეკრეაციო ინფრასტრუქტურის განვითარება 16 672,8 ათასი ლარი; ბინათმესაკუთრეთა ამხანაგობების მხარდაჭერა, ბინათმშენებლობა და ავარიული შენობების რეაბილიტაცია, დემონტაჟი  5 972,6 ათასი ლარი; მუნიციპალური სასაფლაოების მოწყობა და მოვლა-პატრონობა  941,6 ათასი ლარი; ქალაქის დაგეგმარება 596,0 ათასი ლარი; მუნიპალური სერვისების განვითარება 169,2 ათასი ლარი. პრიორიტეტი: განათლება 14 122,3 ათასი ლარი. მათ შორის: სკოლამდელი აღზრდა და განათლება 13 962,3 ათასი ლარი;

პროფესიული განვითარებისა და უმაღლესი განათლების ხელშეწყობა 160,0 ათასი ლარი; პრიორიტეტი: კულტურა, ახალგაზრდობის ხელშეწყობა და სპორტი 10 756,5 ათასი ლარი. მათ შორის:

სპორტის განვითარების ხელშეწყობა  5 946,0 ათასი ლარი; კულტურის განვითარების ხელშეწყობა 4 493,9 ათასი ლარი; ახალგაზრდობის განვითარების ხელშეწყობა  316,6 ათასი ლარი;

პრიორიტეტი: ჯანმრთელობისა დაცვა და სოციალური უზრუნველყოფა  12 857,2 ათასი ლარი. მათ შორის:

ჯანმრთელობის დაცვა  3 956,9 ათასი ლარი; სოციალური უზრუნველყოფა  8 263,5 ათასი ლარი; სანიტარიული ზედამხედველობა და ეპიდსიტუაციის მართვა 636,8 ათასი ლარი.

 2017 წლისათვის შემოსულობების და გადასახდელების საპროგნოზო მაჩვენებლები ექვეემდებარება დაზუსტებას და დამოკიდებულია საქართველოს სახელმწიფო ბიუჯეტიდან და აჭარის ავტონომიური რესპუბლიკის  რესპუბლიკური ბიუჯეტიდან მისაღები ფინანსური დახმარების საპროგნოზო პარამეტრების ცვლილებაზე.