ქართული ბრენდის პოპულარიზაციის საერთაშორისო გამოფენებში მონაწილეობის მიღების, ადგილობრივი და საერთაშორისო დონორების მოძიების დახმარების მიზნით, დღეს, აჭარის სოფლის მეურნეობის სამინისტროში ა(ა)იპ-,,ქართულ ბრენდ“-სა და აჭარის სოფლის მეურნეობის სამინისტროს შორის ურთიერთთანამშრომლობის მემორანდუმი გაფორმდა, რომელსაც ხელი აჭარის სოფლის მეურნეობის მინიტრმა ლაშა კომახიძემ და ა(ა)იპ -,,ქართული ბრენდი“-ს გამგეობის თავმჯდომარემ დავით აფხაზავამ მოაწერეს.
მემორანდუმის მიზანია ქართული აგრარული ბრენდის პოპულარიზაციისა და მსოფლიოში ქართულ ბრენდებად აღიარებული აგრარული სასაქონლო ნიშნების წარმოჩენის ხელშეწყობისათვის ურთიერთთანამშრომლობა შემდეგ სფეროებში: ტუნგოს ზეთი, სუბტროპიკული ხილი, ქართული ჩაი, ქართული აბრეშუმი, ქართული თამბაქო, ენდემური ხილი და ვენახი, ალპიური მესაქონლეობა, ქართული ბრინჯი, გამაგრილებელი სასმელი, აჭარის მინერალური წყალი, პექტინის და P ვიტამინის წარმოება და სხვა.
