"აჭარა ინვესტირების კუთხით საქართველოში ერთ-ერთი ყველაზე მიმზიდველი რეგიონია”, აცხადებს აჭარის ფინანსთა და ეკონომიკის მინისტრი რამაზ ბოლქვაძე, რომელიც დღეს იაპონიის საგარეო ვაჭრობის ორგანიზაციისა (JETRO) და სხვადასხვა მსხვილი იაპონური კომპანიის წარმომადგენელებს შეხვდა.
როგორც მინისტრი აცხადებს, აჭარისადმი ინვესტორების მზარდი ინტერესი ზოგადად ქვეყანაში არსებულმა მოქნილმა საკონონმდებლო სისტემამ, ბაზრების ხელმისაწვდომობამ, ბიზნეს პროცედურების სიმარტივემ, განვითარებულმა ინფრასტრუქტურამ და სხვა ფაქტორებმა განაპირობა.
“ბოლო წლებში აჭარაში ინვესტიციების მონაცემები მზარდი დინამიკით იცვლება, რაც კიდევ ერთხელ ადასტურებს, რომ ჩვენი ეკონომიკა სწორი მიმართულებით ვითარდება. 2016 წლის ორი კვარტლის მონაცემებით კერძო ინვესტიციები 208 მილიონი აშშ დოლარს შეადგენს, საიდანაც 74% უცხოური ინვესტიციაა და მინდა აღვნიშნო, რომ ჩვენთვის ძალიან მნიშვნელოვანია სწორედ უცხოელი პარტნიორების ასეთი მაღალი ნდობა. მინდა კიდევ ერთხელ გავუსვა ხაზი, რომ აჭარის მთავრობა მზად არის მხარი დაუჭიროს რეგიონის განვითარებისთვის მნიშვნელოვან ნებისმიერ ინიციატივას და ხელი შეუწყოს ინვესტორებს ეფექტურად განახორციელონ თავიანთი საქმიანობა აჭარაში"- აღნიშნა რამაზ ბოლქვაძემ.
