ამერიკელი რესპუბლიკელი კონგრესმენები ტედ პო და ჯერალდ კონოლი, რომლებიც აშშ-ს კონგრესში საქართველოს მეგობართა ჯგუფის თანათავმჯდომარეები არიან, საქართველოს 8 ოქტომბრის საპარლამენტო არჩევნების დემოკრატიულად ჩატარებას ულოცავენ.
„მოუთმენლად ველით საქართველოს ახლადარჩეულ მთავრობასთან მუშაობის დაწყებას, რაც საქართველოს შემდგომ კეთილდღეობასა და სტაბილურობას მოუტანს“ - ნათქვამია ამერიკელი კონგრესმენების ერთობლივ განცხადებაში.
კონგრესმენების თქმით „ოცდახუთი წლის წინ საქართველომ საბჭოთა კავშირის ტირანიას და კომუნისტურ წნეხს დააღწია თავი და მას შემდეგ, საქართველო ამერიკის შეერთებული შტატების მეგობარი და მოკავშირეა.“
