დარჩება თუ არა ნოდარ ხადური პოსტზე ამას ფინანსთა მინისტრი არ აკონკრეტებს. როგორც ხადურმა მთავრობის სხდომის დასრულების შემდეგ ჟურნალისტებს განუცხადა, ამ საკითხს პრემიერ-მინისტრი გადაწყვეტს.
"შემიძლია ერთი რამ გითხრათ, რომ ნოდარ ხადური არის საქართველოს ფინანსთა მინისტრი. ვინ იქნება მომავალ მთავრობაში ფინანსთა მინისტრი, იქნება ეს ნოდარ ხადური თუ სხვა, ამას იტყვის პრემიერ-მინისტრი. როცა შემომთავაზებენ ვიფიქრებ", - განაცხადა ნოდარ ხადურმა.
