აჭარის 2017 წლის რესპუბლიკური ბიუჯეტის შემოსულობების საპროგნოზო მაჩვენებელი 238 მლნ ლარით განისაზღვრა. აჭარის მთავრობამ რესპუბლიკური ბიუჯეტის მომავალი წლის გეგმა უკვე შეიმუშავა და მას წლის ბოლომდე აჭარის საკანონმდებლო ორგანოც დაამტკიცებს. თუმცა მოხდება თუ არა 2017 წლის რესპუბლიკური ბიუჯეტის გეგმის კორექტირებ,ა ეს აჭარის ახალ მთავრობაზე და უმაღლესი საბჭოს ახალ შემადგენლობაზე იქნება დამოკიდებული.

მომავალი წლისა რეგიონის მთავარი ფინანსური დოკუმენტის არსებული ვერსიით, 2017 წლის რესპუბლიკურ ბიუჯეტში საშემოსავლო გადასახადის საპროგნოზო მაჩვენებელი 160 მლნ ლარით განისაზღვრა, ხოლო სხვა შემოსავლების საპროგნოზო მაჩვენებელი კი 6 მლნ 620 ათასი ლარით.

ბიუჯეტის გეგმის მიხედვით, 2017 წლისთვის აჭარის მთავრობამ საკუთრებიდან მისაღები შემოსავლების საპროგნოზო მაჩვენებელი 5 მლნ 905 ათასი ლარის ოდენობით განსაზღვრა, საიდანაც

პროცენტების საპროგნოზო მაჩვენებელი განისაზღვრა 3 მლნ ლარით;

დივიდენდების საპროგნოზო მაჩვენებელი განისაზღვრა 1 მლნ  800 ათასი ლარით;

რენტის საპროგნოზო მაჩვენებელი განისაზღვრა 1 მლნ 105 ათასი ლარის ოდენობით.

საქონლისა და მომსახურების რეალიზაციიდან მისაღები შემოსავლების საპროგნოზო მაჩვენებელი განისაზღვრა 615 ათასი ლარის ოდენობით. აქედან,

არასაბაზრო წესით გაყიდული საქონლისა და მომსახურებიდან მისაღები შემოსავლების საპროგნოზო მაჩვენებელი განისაზღვრა 615 ათასი ლარის ოდენობით.

სანქციებით (ჯარიმები და საურავები) მისაღები შემოსავლების საპროგნოზო მაჩვენებელი განისაზღვრა 100 ათასი ლარის ოდენობით.

არაფინანსური აქტივების კლების მაჩვენებელი განისაზღვრა 15 მლნ. ლარით.

ფინანსური აქტივების კლების საპროგნოზო მაჩვენებელი განისაზღვრა 56 მლნ 380 ათასი ლარის ოდენობით.

2017 წლის აჭარის რესპუბლიკური ბიუჯეტის გეგმსი მიხედვით, გადასახდელები მხარჯავი დაწესებულებების მიხედვით შემდეგნაირად გადანაწილდა:

აჭარის ავტონომიური რესპუბლიკის უმაღლესი საბჭო - 4 მლნ 846,8 ათასი ლარი;

აჭარის ავტონომიური რესპუბლიკის საარჩევნო ადმინისტრაცია - 627,2 ათასი ლარი;

აჭარის ავტონომიური რესპუბლიკის მთავრობა და მასთან არსებული ორგანიზაციები - 62 მლნ 655,6 ათასი ლარი, მათ შორის:

აჭარის ავტონომიური რესპუბლიკის მთავრობის აპარატი - 3 მლნ 477,8 ათასი ლარი;

აჭარის ავტონომიური რესპუბლიკის გარემოს დაცვისა და ბუნებრივი რესურსების სამმართველო - 4 მლნ 257,8 ათასი ლარი;

აჭარის ავტონომიური რესპუბლიკის ტურიზმისა და კურორტების დეპარტამენტი - 7 მლნ 496,5 ათასი ლარი;

აჭარის ავტონომიური რესპუბლიკის საარქივო სამმართველო - 2 მლნ 53,8 ათასი ლარი;

აჭარის ავტონომიური რესპუბლიკის საავტომობილო გზებისა და სამელიორაციო სისტემების მართვის დეპარტამენტი - 45 მლნ 60,8 ათასი ლარი;

აჭარის ავტონომიური რესპუბლიკის სავაჭრო-სამრეწველო პალატა - 308,9 ათასი ლარი;

აჭარის ავტონომიური რესპუბლიკის ფინანსთა და ეკონომიკის სამინისტრო - 5 მლნ 252 ათასი ლარი;

აჭარის ავტონომიური რესპუბლიკის განათლების, კულტურისა და სპორტის სამინისტრო - 44 მლნ 704.4 ათასი ლარი;

აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო - 14 მლნ 659,9 ათასი ლარი;

აჭარის ავტონომიური რესპუბლიკის სოფლის მეურნეობის სამინისტრო - 11 მლნ 365,5 ათასი ლარი;

საერთო დანიშნულების რესპუბლიკური გადასახდელები- 93 888,7 ათასი ლარი;