საქართველოში საერთაშორისო სავაჭრო ცენტრის დელეგაცია იმყოფება. ვიზიტის მიზანი აღმოსავლეთ პარტნიორობის მონაწილე ექვსი ქვეყნისთვის შემუშავებული ექსპორტის ხელშეწყობის პროგრამაში, საქართველოს სრულფასოვნად ჩართვის საკითხია. საგარეო საქმეთა სამინისტროში შეხვედრისას აღინიშნა, რომ კონკრეტული თანამშრომლობის მიმართულებები და პერსპექტივები უკვე გამოიკვეთა. საქართველოს მთავრობასთან ამ ეტაპზე კონკრეტული პროექტები განიხილება, მომავალი წლიდან კი პროექტების განხორციელება დაიწყება.
