მაჟორიტარობის დამოუკიდებელი კანდიდატი, რომელმაც ქართული ოცნებასთან 60 ხმით წააგო, პრეზიდენტს, პრემიერმინისტრს და ცესკოს თავმჯდომარეს მიმართავს და რეაგირებას სთხოვს. ცეზარ ჩოჩელის განცხადებით, მმართველმა ძალამ კენჭისყრის შედეგები გააყალბა.
კურიერთან საუბრისას ცეზარ ჩოჩელი ამბობს, რომ გაყალბება დიმიტრი ხუნდაძის სასარგებლოდ მოხდა და ამბობს, რომ ბოლომდე აპირებს ბრძოლის გაგრძელება.
„მივმართავ პრეზიდენტს, პრემიერმინისტრს და ცესკოს თავმჯდომარეს. ვფიქრობ, რომ ისინი ვალდებულები არიან, დაიცვან ჩვენი კონსტიტუციური უფლება და დაიცვან ჩვენი ხმა,“ - აცხადებს ჩოჩელი და დასძენს, რომ მას გაყალბების კონკრეტული ფოტო და ვიდეომასალა აქვს, სადაც დიმიტრი ხუნდაძის სასარგებლოდ გაბათილებული ბიულეტენებია დაფიქსირებული.
