ავიაკომპანია Turkish Airlines-მა სეიშელის კუნძულების მიმართულებით პირდაპირი ავიარეისების დაწყების შესახებ განაცხადა.
Turkish Airlines-ი სტამბოლიდან რეისებს, სეიშელის ყველაზე დიდი კუნძულს მაე-ზე კვირაში 3-ჯერ განახორციელებს.
ვილეთების ღირებულება, ორი გზა, 599 დოლარი იქნება. აღნიშნული ტარიფი მოიცავს ყველა გადასახადს.
Turkish Airlines-ი, რომელიცვ ბოლო 6 წლის განმავლობაში სტაბილურად სახელდება ევროპის საუკეთესო ავიაკომპანიას რეისებს 114 ქვეყნის მიმართულებით ასრულებს.
სეიშელის კუნძულები მდებარეობს აღმოსავლეთ აფრიკაში, ინდოეთის ოკეანის დასავლეთ ნაწილში, კუნძულ მადაგასკარის ჩრდილოეთით და ეკვატორიდან ცოტათი სამხრეთით.
აფრიკის სანაპიროდან დაშორებულია 1600 კილომეტრით. სეიშელის კუნძულები ტროპიკული მცენარეულობის სამშობლოა. ქვეყანა მდებარეობს სამხრეთ განედის 4°-11°-სა და აღმოსავლეთ გრძედის 46°-56°-ს შორის. სეიშელის ძირითადი კუნძულები განლაგებულია კენიიდან აღმოსავლეთით 1600 კილომეტრზე და მადაგასკარიდან ჩრდილოეთით 1100 კილომეტრზე.
ქვეყნის შემადგენლობაში შედის 100-ზე ცოტა მეტი კუნძული, მათგან მხოლოდ 33-ია დასახლებული. ფართობი — 455 კმ². ყველაზე დიდი კუნძული — მაე (142 კმ²). მასზე მდებარეობს სახელმწიფოს დედაქალაქი — ვიქტორია და საერთაშორისო აეროპორტი. სხვა მსხვილი კუნძულებია — სილუეტი, პრასლინი, ლა-დიგი. ასევე ბევრია მარჯნის მცირე და გრანიტის კუნძულები. 2010 წლის მონაცემებით ქვეყნის მოსახლეობის რაოდენობა შეადგენს 90 945 ადამიანს.
