31 ოქტომბრიდან 1 ოქტომბრამდე, აჭარის სოფლის მეურნეობის სამინისტრო საერთაშორისო ფორუმს - „ციტრუსის ექსპორტი 2016“-ს მასპინძლობს. როგორც სამინისტროში განმარტავენ, ფორუმი „ციტრუსის ექსპორტი 2016“ - ეს არის აჭარის სოფლის მეურნეობის მინისტრის ინიციატივა და იგი ყოველწლიურ, პერმანენტულ ხასიათს მიიღებს.
ფორუმი არის შედეგი სამინისტროს მიერ, 2016 წლის სექტემბრის თვეში განხორციელებული ვიზიტებისა სხვადასხვა ქვეყნებში, კერძოდ კი ბალტიისპირეთის ქვეყნებში (ლატვია; ლიტვა, ესტონეთი), ასევე ბელარუსიის, უკრაინის, ყაზახეთისა და უზბეკეთის რესპუბლიკებში. აღნიშნული ვიზიტების საორგანიზაციო საკითხებში სამინისტროს დიდი დახმარება გაუწია საქართველოს საგარეო საქმეთა სამინისტრომ და საქართველოს საელჩოებმა შესაბამის ქვეყნებში.
