რესპუბლიკური პარტიის ყოფილი ლიდერი დავით უსუფაშვილი აცხადებს, რომ მას ვერც ერთ სახელმწიფო დაწესებულებაში, ვერც ერთ სახელისუფლებო თანამდებობაზე ვერ იხილავენ.
"მე კიდევ ორიოდე კვირა მიხილავთ აქ, ამ შენობაში, ორიოდე კვირის შემდეგ მე ვერ და არ მიხილავთ ვერანაირ სახელმწიფო დაწესებულებაში, სახელმწიფო სამთავრობო თანამდებობაზე, სასამართლო თანამდებობაზე. მე ძალიან მკაფიოდ ვაცხადებ, რომ მე ვაგრძელებ საქმიანობას ოპოზიციურ პოლიტიკურ ველზე. ამ საქმიანობის კონკრეტული ფორმების და კონტურების თაობაზე, მე მექნება მსჯელობა დიალოგი ძალიან კონკრეტულ ბევრ ადამიანთან და მხოლოდ ამის შემდეგ, ორი სამი თვის შემდეგ მოგახსენებთ უფრო კონკრეტულად არა მხოლოდ მე, არამედ ჩვენ იმის თაობაზე თუ რა არის კონკრეტულად დაგეგმილი",-განაცხადა უსუფაშვილმა.
