ევროკავშირის ელჩი საქართველოსთვის ვიზალიბერალიზაციის საკითხზე გადაწყვეტილების მიღებას ახლო მომავალში მოელის. ამ თემაზე იანოშ ჰერმანმა ევროკავშირისა და ევროპის საბჭოს წარმომადგენლების შეხვედრაზე ისაუბრა, სადაც ევროპელმა დიპლომატებმა საქართველოში განხორციელებულ პროექტებზე ისაუბრეს.
"იმედი მაქვს, რომ არც ისე შორისაა ის დრო, როდესაც საბოლოო გადაწყვეტილება იქნება მიღებული. ვერ დავასახელებ კონკრეტულ თარიღს, მაგრამ მინდა დაგარწმუნოთ, რომ ვიცით რამდენად მნიშვნელოვანია ეს თემა და შედეგები ხალხისთვის. ჩვენ ყველაფერს გავაკეთებთ, რომ რაც შეიძლება მალე მოგვარდეს ვიზალიბერალიზაციის საკითხი“ - განაცხადა საქართველოში ევროკავშირის წარმომადგენლობის ხელმძღვანელმა იანოშ ჰერმანიმ.
