მარცხის შიშით არჩევნებში მონაწილეობის არ მიღება არასერიოზულია, - განაცხადა ნაციონალური მოძრაობის ვაკის მაჟორიტარამა კანდიდატანა, ელენე ხოშტარიამ ტაბულას გადაცემაში თეორემა.
“ძალიან ბუნებრივი და ჩემთვის სასიამოვნო პროცესია, როდესაც ჩვენ ვართ პარტია, რომელიც გარკვეული განსხვავებული აზრების მიუხედავად ყალიბდება ერთიან გადაწყვეტილებაზე. მიუხედავად იმისა, რომ სააკაშვილის პირველი რეაქცია იყო, რომ პარლამენტში არ უნდა შევსულიყავით და მეორე ტურებში არ უნდა მიგევღო მონაწილეობა, ვიმსჯელედთ, გავიაზრეთ, რასთან იყო ეს დაკავშირებული. ემოცია ყველას გვქონდა, პარლამეტში არ შესვლა არ იყო თითიდან გამოწოვილი აზრი იმიტომ, რომ ეს უსამართლობის განცდამ გამოიწვია. ცხადია, ძალიან მალე, გააზრების შემდეგ მივხვდით, რომ ეს იქნება ჩვენი ამომრჩევლის ღალატი, არასერიოზული, უპასუხისმგებლო საქციელი. მით უმეტეს იმ პირობებში, როდესაც სხვა პარტიები ფაქტობრივად, სამწუხაროდ, გაქრა. გაქრა ქართული ოცნების ძალისხმევით. ყველაზე დიდი მოტივაცია, რომ მეორე ტურებში წავსულიყავით, იყო ის, რომ ყველაფერი გავაკეთოთ, რათა არ იყოს საკოსტიტუციო უმრავლესობა. მიმაჩნია, რომ თუნდაც მარცხის შიში, თუნდაც იმის შიში, რომ არასამართლიან არჩევნებში შეიძლება დიდი შანსი არ გვქონდეს, პოლიტიკოსის მხრიდან უარის თქმა არჩევნებში მონაწილეობაზე და საკითხის ისე დაყენება, რომ მონაწილეობა მარტო მოგებულ არჩევნებში მიიღოს, ცოტა არასერიოზული მგონია ”, - განაცხადა ხოშტარიამ.
