ევროპარლამენტი ევროსაბჭოს საქართველოს მოქალაქეებისთვის სავიზო რეჟიმის გაუქმებაზე მოლაპარაკებების დაწყებისკენ მოუწოდებს. ინფორმაცია ევროპარლამენტის ოფიციალურ ვებ-გვერდზეა განთავსებული.
განცხადებაში ნათქვამია, რომ ვიზალიბერალიზაციის საკითხზე წერილობით ევროპარლამენტის სამოქალაქო თავისუფლებათა, მართლმსაჯულებისა და შინაგან საქმეთა კომიტეტმა უკვე მიმართა ევროსაბჭოს თავმჯდომარე ქვეყანას. წერილში აღნიშნულია, რომ საქართველოსთვის ვიზალიბერალიზაციის დაწესების მიზნით, მოლაპარაკებები შემდგომი გადავადების გარეშე, რაცშეიძლება მალე უნდა დაიწყოს.
ევროდეპუტატები აღნიშნავენ, რომ საქართველოსთვის ვიზალიბერალიზაციის დაწესებაზე მოლაპარაკებების გადავადების რეალური მიზეზი არ არსებობს და ევროკომისიამ დაადასტურა, რომ საქართველო ვიზალიბერალიზაციის სამოქმედო გეგმით გათვალისწინებულ ყველა კრიტერიუმს აკმაყოფილებს.
„ ყველა ქვეყანას, რომელიც აკმაყოფილებს კრიტერიუმებს, შეუძლია მიიღოს სარგებელი ვიზალიბერალიზაციისგან და საქართველოს შემთხვევა ასეთია“, - აცხადებს მომხსენებელი მარია გაბრიელი და დასძენს, რომ ევროკავშირმა დაპირება უნდა შეასრულოს.
