თურქული ჩაის მწარმოებელი კომპანია ÇAYKUR-ი მსოფლიო ბაზარზე წილის ზრდას განაგრძობს.
ÇAYKUR-ის გენერალური დირექტორის იმდატ სუტლიუოღლის განმარტებით, კომპანია ჩაის ექსპორტს მსოფლიოს 80 ქვეყანაში ახდენს და გაყიდვები ყოველწლიურად იზრდება.
ÇAYKUR-ი მრავალ საერთაშორისო გამოფენაშიც მონაწილეობს, რაც ბრენდის პოპულარულობას კიდევ უფრო ზრდის.
კომპანიაში განმარტავენ, რომ ÇAYKUR-ი მსოფლიო ბაზარზე საკმაოდ სწრაფად იზრდება. საუბარია როგორც შავი და მწვანე, ასევე ხილის არომატებით გაჯერებული ჩაის ბაზრებზე. ასევე წარმატებულია ÇAYKUR-ის ცივი ჩაი Didi.
სუტლიუოღლის თქმით, თურქული ჩაის პოპულარულობა მდგომარეობს იმაში, რომ ის ეკოლოგიურად სუფთა პროდუქტისგან მზადდება. ამ ფონზე კომპანია ეკოლოგიურად სუფთა პროდუქტების ბაზარზეც გეგმავს გაფართოებას, მით უმეტეს რომ ამ მხრივ ევროპაში დიდი მოთხოვნა არსებობს.
იმავდროულად 2017 წლიდან კომპანია ÇAYKUR-ი თურქეთში და ასევე მთელი მსოფლიოს მასშტაბით ჩაიხანების გახსნას გეგმავს, სახელწოდებით "Çayla", სადაც 60 სახეობის ჩაი და ტკბილეული გაიყიდება.
