მგელი სახელად ზაბივაკა მსოფლიო 2018 წლის ჩემპიონატის თილისმა გახდა. კენჭისყრის შედეგები ტელეშოუ „საღამოს ურგანტში“ გამოაცხადეს. გამარჯვებულმა ხმათა 52,8 პროცენტი დააგროვა. ზაბივაკას მეტოქეები ფინალში კატა და ამურის ვეფხვი იყვნენ, თუმცა ფეხბურთის გულშემატკივრებმა უპირატესობა მგელს მიანიჭეს. გამოკითხვა ფიფას ვებ-გვერდზე 23 სექტემბრიდან დაიწყო. მსოფლიო საფეხბურთო ჩემპიონატი 2018 წელს რუსეთში გაიმართება.
