შეფერხებებით დაიწყო კენჭისყრის პროცესი ყიზილაჯლოში. კურიერის კორესპონდენტის ცნობით, რომელიც ადგილზე მუშაობს, 48-ე საარჩევნო უბანი დაგვიანებით გაიხსნა. ამის მიზეზი გახდა კენჭისყრისწინა პროცედურების დაგვიანებით ჩატარება კომისიის წევრთა მხრიდან.
უბნის გახსნის დაგვაინების მიზეზი გახდა პროცედრული კენჭისყრა, რომელიც, დამკვირვებლების განცხადებით, დარღვევებით ჩატარდა.
ასევე პირველ ამომრჩეველს, რომელიც უბანზე მივიდა, ოთახის სივიწროვის გამო, არჩევანის გაკეთება კაბინის გარეთ მოუხდა. მარნეულის საოლქო საარჩევნო კომისიის თავმჯდომარის თქმით, მას მსგავსი ფაქტი არ შუმჩნევია. იგივე მიზეზით ყიზილაჯლოს 48-ე საარჩევნო უბანთან რიგია და ამომრჩეველს, უბანზე არსებული სივიწროვის გამო, ლოდინი უწევს, არჩევანის გასაკეთებლად.
დამკვირვებლებმა უკვე დაარეგისტრირეს რამდენიმე საჩივარი.
ადგილზე მყოფი კურიერის კორესპონდენტის ინფორმაციით, მარნეულში მიმდინარე არჩევნებზე, ამ ეტაპისთვის ამომრჩევლის აქტივობა დიდია.
მარნეულში ერთმანეთს ნაციონალური მოძრაობიდან აჰმედ იმამყულიევი და ქართული ოცნებიდან თამაზ ნავერიანი უპირისპირდებიან.
