საქართველოს აეროპორტებმა 2016 წლის 9 თვის განმავლობაში 2 მლნ 181 ათას 684 მგზავრი გადაიყვანეს. აეროპორტების ბაზრის წილით თბილისის საერთაშორისო აეროპროტი ლიდერობს და მასზე მოდის გადაყვანილი მგზავრების 79,1%; ბათუმის საერთაშორისო აეროპორტი - 12,4%; ქუთაისის საერთაშორისო აეროპორტი - 8,4%; მესტიის აეროპორტი - 0,14%.
2016 წელს საქართველოს აეროპორტების მგზავრთნაკადი 2015 წლის იმავე პერიოდთან შედარებით 23%-ით გაიზარდა. ხოლო, 2012 წლის იგივე პერიოდთან შედარებით 103%-ით არის გაზრდილი.
ეკონომიკის სამინისტროს მონაცემებით, საქართველოს აეროპორტებში ამჟამად ოპერირებს 33 ავიაკომპანია, ხოლო ავიარეისები სრულდება 20 ქვეყნის 46 მიმართულებით.
