თბილისის საერთაშორისო აეროპორტს მგზავრთნაკადი 20%-ით გაეზარდა. ეკონომიკის სამინისტროს მონაცემებით, 2016 წლის იანვარ-სექტემბერში, ქვეყნის მთავარი აეროპორტი, რეგულარული და არარეგულარული რეისებით, 1 მლნ 725 ათას 403 მგზავრს მოემსახურა.
სამინისტროში განმარტავენ, რომ თბილისის საერთაშორისო აეროპორტის მომსახურებით, 2015 წლის იანვარ-სექტემბერში 1 მლნ 432 ათას 979 მგზავრმა ისარგებლა, შესაბამისად აეროპორტის მიერ გატარებული მგზავრების რაოდენობა 20,4%-ითაა გაზრდილი.
უნდა აღინიშნოს, რომ 2014 წლის ანალოგიურ პერიოდში თბილისის აეროპორტმა 1 მლნ 216 ათას 370 მგზავრი გაატარა.
ეკონომიკის სამინისტროში ვარაუდობენ, რომ აქტიური ზრდის ტენდენცია წლის ბოლომდე შენარჩუნდება და სრული წლიური მგზავრთნაკადი 2 მლნ 200 ათას მგზავრს მიაღწევს.
