"ნაციონალური მოძრაობის" ერთ-ერთი ლიდერი ლევან ვარშალომიძე საარჩევნო დარღვევებზე კიდევ ერთხელ საუბრობს. მისი მტკიცებით, ერთ-ერთ ასეთ დარღვევას 46-ე უბანზე ჰქონდა ადგილი, სადაც კომისიის წევრმა თავად შემოხაზა ბიულეტენები და ჩააგდო ყუთში. ვარშალომიძემ დღეს მორიგი ვიდეო მასალაც წარმოადგინა:
"მოვუწოდებ ჩვენს აქტივს, ამომრჩევლებს ვიყოთ აქტიურები. ჩვენ ჩვენის მხრივ ვიქნებით უფრო აქტიურები, რომ ასეთი უმსგავსობები არ მოხდეს უბნებზე. მაქსიმუმს გავაკეთებთ, რომ თითოეული ხმა დავიცვათ. მართლაც მეორე ტური იქნება იმისა, რომ ვაჩვენოთ ხელისუფლებას ვინ ვართ ჩვენ. მიუხედავად პირველ ტურში არსებული მანიპულაციებისა, ჩვენ 2014 წელთან შედარებით, გაცილებით მეტი ხმა ავიღეთ,"- აცხადებს ვარშალომიძე.
