,,ნაციონალური მოძრაობის“ ლიდერი სამეგრელოს პარტიის რაიონულ ორგანიზაციებს შეხვდა. დავით ბაქრაძემ და ფოთის მაჟორიტარი დეპუტატობის კანდიდატმა ბექა ბასილაიამ სენაკსა და აბაშაში პარტიის წარმომადგენლებთან და აქტივისტებთან 8 ოქტომბრის არჩევნებზე გამოვლენილი დარღვევების შესახებ ისაუბრეს და მეორე ტურის წინასაარჩევნო კამპანია განიხილეს.
„სამეგრელოში შვიდი საარჩევნო ოლქიდან 6-ში ტარდება მეორე ტური და ექვსივეგან მონაწილეობენ ,,ნაციონალური მოძრაობის” წევრები. ამიტომ, პარტია მზად არის პოლიტიკური ბრძოლის გაგრძელებისთვის. ჩვენი კანდიდატები იბრძოლებენ ყველა უბანზე,“ - განაცხადა დავით ბაქრაძემ.
