„გრძელდება „ოცნება-ნაცების“ ერთობლივი სპეცოპერაცია კოდური სახელწოდებით ,,გადავაგდოთ საქართველო“ იმისათვის, რომ ჩვენი ხალხი კიდევ ერთხელ არ გახდეს ივანიშვილ-ბოკერიას დანაშაულებრივ სქემის მსხვერპლი, ამის შესახებ “ლეიბორისტული პარტიის“ ლიდერმა შალვა ნათელაშვილმა განაცხადა.
ნათელაშვილმა, ასევე ოპოზიციას, მეორე ტურში მონაწილეობაზე ბოიკოტის გამოცხადებისკენ და პარლამენტის მანდატებზე უარის თქმისკენ მოუწოდებს.
„აუცილებელია, 30 ოქტომბერს ე.წ. მეორე ტურს გამოვუცხადოთ მასობრივი საერთო სახალხო ბოიკოტი. კონსტიტუციური უმრავლესობა ივანიშვილს „ოცნების“, „ნაცების“, და „პატრიოტთა ალიანსის“ ერთობლიობით ისედაც გარანტირებული აქვს. ახლა მათი მიზანია, დააკანონონ მასობრივი გაყალბების შედეგები. უმძიმესი სახელმწიფო კრიზისიდან ერთადერთი გამოსავალია ოპოზიციამ უარი თქვას მეორე ტურში მონაწილეობასა და პარლამენტში შესვლაზე. ეს დაამთავრებს ივანიშვილის რეჟიმს. წინააღმდეგ შემთხვევაში აღნიშნული არჩევნები გახდება ოპოზიციისთვის პოლიტიკური სამარე, ხოლო საქართველოსთვის საშინელი ბედისწერა”,- განაცხადა შალვა ნათელაშვილმა.
