კიდევ ერთხელ მინდა, მოვუწოდო ყველა ამომრჩეველს, 30 ოქტომბერს არჩევნები არ დასრულებულა, არის მეორე ტური და აქტივობა არის ძალიან მნიშვნელოვანი,-ამის შესახებ საქართველოს პრემიერ-მინისტრმა, გიორგი კვირიკაშვილმა მათვრობის დღევანდელ სხდომაზე განაცხადა.
"დიდი იმედი მაქვს, რომ უპირველეს ყოვლისა, ნაჩვენები იქნება ისეთივე მაღალი სტანდარტი, რომელიც ნაჩვენები იყო 8 ოქტომბერს. ძალიან დიდი იმედი მაქვს და დარწმუნებული ვარ, რომ ის პასუხისმგებლობა, რომელიც ჩვენ ავიღეთ საქართველოს თითოეული მოქალაქის წინაშე, იქნება უკლებლივ რეალიზებული და განხორციელებული",-აღნიშნა გიორგი კვირიკაშვილმა.
