თუ ”ქართულ ოცნებას” არ ექნება საკონსტიტუციო უმრავლესობა, ეს წაადგება დემოკრატიულ პროცესს, - განაცხადა ”ნაციონალური მოძრაობის” წევრმა ოთარ კახიძემ საზოგადოების ნაწილის მიმართვასთან დაკავშირებით, რომელიც მეორე ტურში ოპოზიციის მხარდაჭერას გულისხმობს.
კახიძის თქმით, ,,საზოგადოებამ თავად უნდა განსაჯოს რა არის მისთვის უკეთესი - ჰქონდეს სრული კარტბლანში ”ქართულ ოცნებას” და მან თავის ნებაზე შეცვალოს კონსტიტუცია თუ ის, რომ იყოს ქართული ოცნების“ გაწონასწორების მექანიზმი ოპოზიციის სახით”.
გავრცელებულ მიმართვაში აღნიშნულია, რომ არსებობს საშიშროება ქვეყანაში ერთპარტიული მმართველობა დამკვიდრდეს, ამის თავიდან ასაცილებლად კი მათ მხარი უნდა დაუჭირონ ოპოზიციას. მიმართვის ავტორების მოსაზრებით, იმ შემთხვევაში, თუ ,,ქართული ოცნება” საკონსტიტუციო უმრავლესობას მოიპოვებს, არსებობს საშიშროება, ქვეყანამ დემოკრატიული პრინციპებიდან გადაუხვიოს.
