პოლიტოლოგი გია ხუხაშვილი 8 ოქტომბრის არჩევნების შედეგებს "რეალურს" უწოდებს და აცხადებს, რომ "შედეგი წინასაარჩევნო აგრესიული კამპანიიდან გამომდინარეა".
გია ხუხაშვილი კურიერის პირდაპირ ეთერში აცხადებს, რომ ენმ-ს ამ არჩევნებზე მოგების შანსები არ ქონდა და ეს წინასწარ ისედაც ნათელი იყო.
„მაგრამ არსებული ვითარების დამგეგმავს სათანადო შედეგი არ მიუღია. ჩვენ მოვიგეთ ბრძოლა და ახლა ომი გვაქვს მოსაგებიო, თქვა, თუმცა სინამდვილეში ომი ვერ მოიგო, რადგან გადარჩა ნაციონალური მოძრაობა და შემდეგი არჩევნებისთვისაც ემზადება. მათ მაგიდის გაკეთება სურდათ და ტაბურეტკა გამოუვიდათ. სურდათ, ნაციონალების ადგილი ყოფილიყო კუთხეში, ხმის უფლების გარეშე და სინამდვილეში მიიღო ტაბურეტკა, რომელზეც თვითონ ზის და ნაციონალური მოძრაობა ახლა გადაწყვეტილებას იღებს, მოახერხოს თუ არა ტაბურეტკას ფეხი,“ - აცხადებს გია ხუხაშვილი.
პოლიტოლოგი საკონსტიტუციო უმრავლესობის შესახებაც საუბრობს და ამბობს, რომ დღეს საჭიროა ქართული ოცნების ძალაუფლების უზურპაციისგან დაცვა, რადგან, მისი მტკიცებით, "ძალაუფლების უზურპაცია იწვევს კონსტიტუციის ფარგლებიდან გასვლის რისკებს".
