ბლოკში შემავალი სუბიექტები გააგრძელებენ არჩევნების პერიოდამდე ბლოკის სტატუსით ბრძოლას, ხოლო არჩევნების შემდეგ, მჭიდრო თანამშრომლობას, - განაცხადა პაატა ბურჭულაძემ ჟურნალისტებთან შეხვედრაზე.
ბლოკის „პაატა ბურჭულაძე – სახელმწიფო ხალხისთვის“ ლიდერის თქმით, პარტია მზად არის მოლაპარაკებებებისთვის ყველა პროდასავლურ ძალასთან ითანამშრომლოს.
,,ერთ თვეს ვიღებთ ვადას რეორგანიზაციისთვის პარტიებში და შემდეგ უფრო ძლიერად შევუდგებით ბრძოლას ქვეყნის ფეხზე დასაყენებლად და მდგომარეობის გასაუმჯობესებლად“, - განაცხადა პაატა ბურჭულაძემ.
რაც შეეხება გიორგი ვაშაძეს, მან აღნიშნა, რომ ამ ეტაპზე პარტიებს სჭირდებათ შიდაპარტიული რეორგანიზაციისთვის დრო, რის შემდეგაც საჯარო გახდება სამოქმედო გეგმა.
„არჩევნები არ დასრულებულა და ბლოკი არჩევნების დასრულებამდე დარჩება. მჭიდრო პოლიტიკურ თანამშრომლობას ვაგრძელებთ და გახსნილები ვართ სხვა პროდასავლური ძალებისთვის. გვჭირდება დრო შიდაპარტიული რეორგანიზაციისთვის, რის შემდეგაც საბოლოო სამოქმედო გეგმას გავასაჯაროებთ. ამ დრომდე სხვა პოლიტიკურ ძალებთან არ გვქონია თანამშრომლობაზე საუბარი და შეგვიძლია ამის შემდეგ გავმართოთ დისკუსიები, თუმცა ვიცი, რომ არ ვითანამშრომლებთ პრორუსულ ძალებთან“, - განაცხადა გიორგი ვაშაძემ.
