"ნაციონალური მოძრაობის" მარნეულის მაჟორიტარი დეპუტატობის კანდიდატი აჰმედ იმამყულიევი აცხადებს, რომ ხელისუფლებამ მარნეულში "ნაციონალური მოძრაობის" მომხრეების დაკავებები დაიწყო. იმამყულიევის ინფორმაციით, სამართალდამცველები რამდენიმე საათის წინ 7 ადგილობრივი მოსახლის ოჯახში შევიდნენ და ისინი ძალის გამოყენებით განყოფილებაში გადაიყვანეს.პარტიის წევრები და მხარდამჭერები დაკავებებს არჩევნების დღეს სოფელ ყიზილ-აჯლოში მომხდარ ინციდენტს უკავშირებენ და მეორე ტურის წინ ხელისუფლების მხრიდან ამომრჩევლის დაშინებაზე საუბრობენ.
კონკრეტული მუხლი რის საფუძველზე აიყვანეს ახალგაზრდები უცნობია.ოჯახის წევრების ინფორმაციით, მათთვის გაურკვეველია ისიც, თუ სად იმყოფებიან დაკავებულები ამჟამად.
