"ნაციონალური მოძრაობის" პარლამენტში შესვლასთან დაკავშირებით გიგა ბოკერიამ სპეციალური ბრიფინგი გამართა. მისი თქმით, პარტია უნდა შევიდეს პარლამენტში და მონაწილეობა მიიღოს მეორე ტურში.
„მე მჯერა და მწამს, რომ მიუხედადვად არასამართლიანი არჩევნებისა, ჩვენი პოლიტიკური ძალა, როგორც ერთადაერი პროდასავლური, ქმედითი ოპოზიციური ძალა ჩვენს ქვეყანაში, აუცილებლად უნდა შევიდეს პარლამენტში და მიიღოს მონაწილეობა არჩევნების მეორე ტურში. ეს არის აუცილებელი დემოკრატიული ინსტიტუტების პატივისცემიდან გამოდინარე, იმ 500 ათასი ამომრჩევლის პატივსაცემად, ვინც ხმა მოგვცა, იმ ადამიანების პატივსაცემად, ვინც დააშინეს და ვერ მოგვცეს ხმა, იმ ადამიანების პატივსაცემად, ვინც არ მოგვცა ხმა. ყველაფერი უნდა ვცადოთ, რომ ივანიშვილმა საკონსტიტუციო უმრავლესობის მოპოვება ვერ შეძლოს. მე იმედი მაქვს და მჯერა, რომ ჩვენი პოლიტიკური ძალა ამ სწორ გადაწყვეტილებას მიღებს,"- განაცხადა გიგა ბოკერიამ.
საბოლოო გადაწყვეტილებას კი "ნაციონალური მოძრაობა" დღეს პარტიის პოლიტსაბჭოზე მიიღებს, რომელიც 19:30 საათზეა დანიშნული.
