ცენტრალურმა საარჩევნო კომისიამ კიდევ ერთი უბნის მონაცემები გამოაქვეყნა. შესაბამისად, ამ დროისთვის ცესკოს დასათვლელი დარჩა მხოლოდ 2 უბნის შედეგები.
ამ დროისთვის არსებული მონაცემებით, პარტიების რეიტინგები უმნიშვნელოდ შეიცვალა. კერძოდ, „ქართულ ოცნებას“ 48,65 %-იანი მხარდაჭერა აქვს, „ნაციონალურ მოძრაობას“ 27,12 %, „პატრიოტთა ალიანსს“ კი - 5 %. 4,62 %-მდე გაიზარდა „თავისუფალი დემოკრატების“ მაჩვენებელი.
საქართველოს მასშტაბით სულ 3 702 უბანი ფუნქციონირებდა. აქედან ამ დროისთვის 3700 უბნის შედეგებია გამოქვეყნებული.
