შშს- ს ყოფილ მაღალჩინოსანს შოთა უტიაშვილს უკრაინის პროკურორის ყოფილი მოადგილე დავით საყვარელიძე არჩევნებში ,,ნაციონალური მოძრაობის“ დამარცხების შესახებ გამოთქმული მოსაზრების გამო უპირისპირდება. უტიაშვილი „ნაციონალური მოძრაობის“ დამარცხებას მიხეილ სააკაშვილის წინასაარჩევნო კამპანიაში ჩართულობას აბრალებს.

“რა თქმა უნდა, ყველაფერში დამნაშავე ეხლა მიშაა და მისი ეგოცენტრიზმი და რომ არა მისი ხელშეშლა, დანარჩენი ლომები დაფლითავდნენ ბიძინას მოულოდნელად ხომ Shota Utiashvili?! და ამიტომ ეხლა ყველა დარაზმული უნდა შევიდნენ და გაუპრავონ რაც მოხდა?! საოცრება პირდაპირ. ანუ ლოგიკა სადაა? "ნეტავი, " ქოცები" უფრო ნაკლებად შეგვეშინებინა და შეუმჩნევლად მოგვეპარა გამარჯვება",- პრინციპში არც რუსული ლიბერალური პარტიის მოდელა ცუდი. არიან თავისთვის, არავის უშლიან ხელს და მიდის პროცესი. მთავარია, ხომ ლიბერალური იდეების მატარებლები არიან.... ყელამდე განავალში სხედან, მაგრამ მაინც არიან...." - წერს დავით საყვარელიძე შოთა უტიაშვილს. 

როგორც შოთა უტიაშვილი წერს, „ნაციონალური მოძრაობის“ წინასაარცევნო კამპანია გახდა ზეაგრესიული.

"გამოჩნდა მიშა და თქვა, რომ ჩამოვდივარ, ჯარი და პოლიცია ჩემს მხარეზეა. ჩატარდა უზარმაზარი მიტინგი. მთელი კამპანია გადაიქცა ერთ კითხვად: ჩამოვა თუ არ ჩამოვა. აქ გაიმარჯვა "ოცნებამ". ისედაც ეჭვებში მყოფმა ხალხმა დაიჯერა, რომ "ოცნება" რასაც ამბობდა "ნაციონალების"  ნამდვილ მიზნებზე, მართალი ყოფილა. მესიჯის ხაზგასასმელად, გივის მანქანაც კი ააფეთქეს.
პ.ს. რა თქმა უნდა, იყო ამომრჩევლის მასობრივი მოსყიდვაც, დანიშნებაც, ტერაქტიც და სხვა ყველაფერი. მაგრამ, თავიდანვე ვის ეპარებოდა ეჭვი, რომ ასეც იქნებოდა?“, - წერს შოთა უტიაშვილი.