მე ვაპირებ გავაგრძელო ბრძოლა, რომ მოსახლეობას, ვინც ბიძინა ივანიშვილს ებრძვის, გავუმართლო იმედები, მე აუცილებლად მივიღებ მონაწილეობას მეორე ტურში, - განაცხადა „ნაციონალური მოძრაობის“ მაჟორიტარობის კანდიდატმა ტარიელ ლონდარიძემ ჟურნალისტებთან საუბრისას.
მისი თქმით, არჩევნები გაყალბდა და სუს-მა ახალქალაქის ხმები გედი ფოფხაძეს მიაკუთვნა.
„მე პირადად, როგორც ბორჯომის, ასპინძის და ახალქალაქის მაჟორიტარი კანდიდატი ვთვლი, რომ არჩევნები გაყალბდა. სუს-მა მოახერხა და პირდაპირ მიაკუთვნა ახალქალაქის ხმები გედი ფოფხაძეს. ჩვენ წარმომადგენელს უკვე შეაქვს ოლქში საჩივარი 8 უბნის გაუქმებასთან დაკავშირებით, რომ იქნას დანიშნული მეორე ტური. ზოგადად, როგორც მაჟორიტარი ვაპირებ გავაგრძელო ბრძოლა. მე ვარ მაჟორიტარი და ვიბრძვი ამ სამ რაიონში, არ ვაპირებ ვუღალატო ჩემს ამომრჩეველს”,- აღნიშნა ლონდარიძემ.
