რა მოხდება იმ შემთხვევაში, თუ "ნაციონალური მოძრაობა" პარლამენტში შემოსვლზე უარს იტყვის, ამ კითხვით მიმართა ინგა გრიგოლიამ "ქართული ოცნების" აღმასრულებელ მდივანს, ირაკლი კობახიძეს ,,ტვ პირველის“ ეთერში
"ეს იქნება მორიგი შეცდომა, დაშვებული იმ უსუსური პარტიის მხრიდან, რომელსაც ჰქვია ერთიანი ნაციონალური მოძრაობა, ჩვენ არანაირად არ გვაინტერესებს ასე გადაწყვეტენ თუ ისე ისინი ამ ყველაფერს, საბოლოო ჯამში, თუ საერთოდ არ შემოვლენ "ნაციონალები პარლამენტში, ეს მხოლოდ და მხოლოდ წაადგება დემოკრატიული პროცესების განვითარებას." - განაცხადა ირაკლი კობახიძემ.
მისივე თქმით, ,,ქართულმა ოცნებამ“ შეასრულა თავისი დანაპირები და ენმ პარლამენტში მხოლოდ მცირე დოზით მოხვდა.
,,სწორედ ჩვენ ვიყავით და ვართ გარანტი იმისა, რომ "ნაცმოძრაობა" ასეთი სახით იქნება წარმოდგენილი, მცირე დოზით იქნება წარმოდგენილი საქართველოს პარლამენტში, ამის გარანტია და პირობა მივეცით ჩვენს მოსახლეობას და ეს პირობა შევასრულეთ" - აღნიშნა ირაკლი კობახიძემ.
დღეს, ექსპრეზიდენტმა, ოდესის გუბერნატორმა მიხეილ სააკაშვილმა ვიდეო მიმართვა გაავრცელა, სადაც აცხადებს, რომ ,,ნაციონალურ მოძრაობის“ მეორე ტურში მონაწილეობის აზრს ვერ ხედავს.
