ევრკავშირის უმაღლესი წარმომადგენელი ფედერიკა მოგრინი და ევროკომისარი იოჰანეს ჰანი საქართველოს საპარლამენტო არჩევნებთან დაკავშირებით განცხადებას ავრცელებენ.
„8 ოქტომბერს საქართველოში საპარლამენტო არჩევნები გაიმართა. ეუთო-ს დემოკრატიული ინსტიტუტებისა და ადამიანის უფლებთა ოფისის (OSCE/ODIHR) სადამკვირვებლო საარჩევნო მისიის წინასწარი დასკვნების თანახმად, არჩევნბი იყო კონკურენტული, კარგად ადმინისტრირებული, ხოლო ფუნდამენტური თავისუფლებები ძირითადად იყო დაცული“,-ნათქვამია ერთობლივ განცხადებაში.
ამასთან, განცხადებაში აღნიშნულია, რომ კამპანიის მშვიდ და ღია ატმოსფეროზე ზეგავლენა იქონიეს უკანონო კამპანიის შესახებ ბრალდებებმა და ძალადობის რამდენიმე ინციდენტმა.
„საარჩევნო დღემ ძირითადად წესრიგის დაცვით ჩაიარა, თუმცა დღის განმავლობაში დაძაბულობა გაიზარდა და საარჩვენო უბნებთან, უბნებზე ძალადობრივი შეხლა-შემოლის რამდენიმე ინციდენტს ჰქონდა ადგილი. ამის მიუხედავად, ხმის მიცემის პროცესი თითქმის ყველა საარჩევნო უბანზე პოზიტიურად შეფასდა. ყველა დარჩენილი ხარვეზი უნდა აღმოიფხვრას OSCE/ODIHR-ის რეკომენდაციების საფუძველზე. ევროკავშირი ყურადღებით კვირდებოდა პროცესს, მათ შორის ხმების ოფიციალური დათვლის წინასწარ შედეგებს“-აღნიშნულია განცხადებაში.
ფედერიკა მოგერინი და იოჰანეს ჰანი აცხადებენ, რომ არჩევნების მეორე ტურისთვის და დარჩენილ პერიოდში ყველა პარტიამ და კანდიდატმა თავი უნდა შეიკავოს კონფრონტაციისა და ძალადობისგან, პატივი სცენ დემოკრატიულ პრინციპებს და ქართველი ხალხის ნებას.
„ევროკავშირის მხარს უჭერს საქართველოს სტაბილურ, დემოკრატიული და განვითარებულ მომავალს. როგორც კი საარჩვენო პროცესი დასრულდება, ჩვენ მზად ვართ, ვიმუშაოთ ახალარჩეულ პარლამენტთან და მთავრობასთან, რათა გავაღრმავოთ ჩვენი პოლიტიკური და ეკონომიკური ურთიერთობები ევროკავშირი-საქართველოს ასოცირების შეთახმების ერთობლივი ვალდებულებების საფუძველზე. მნიშვნელოვანია, რომ ახალ პარლამენტში არჩეულმა ყველა წარმომადგენელმა იმუშაოს ერთად საქართველოს ინტერესების გათვალისწინებით”, - ნათქვამია ფედერიკა მოგერინისა და იოჰანეს ჰანის განცხადებაში
